Torta de mazás

Windows XP boots on a Mac Book Pro!!!!

2006-03-09T12:59:00.000+01:00

Será un fake????

Aquí tede-las imaxes... vos diredes!

Mac Mini Intel e iPod Hi-Fi... ¿keynote decepcionante?

2006-02-28T22:28:00.000+01:00

O Mac Mini renóvase, e faino dun xeito importante. Cunha imaxe semellante por fora, o novo Mini ven agora en dúas versións, unha con Intel Core Solo e outra con Intel Core Duo, e con soporte para un renovado FrontRow. Agora poderemos navegar dende o Mac Mini polo iTunes dos PCs ou Macs que estean en rede, e compartir música entre eles, mediante o protocolo Bonjour.
Na miña opinión, manter unha gráfica integrada e deixalo sen sintonizadora fai que estea por debaixo dos PC con Windows Media Center

Prezos características segundo Faq-Mac:

1.5ghz Core Solo 667 mhz fsb, 512mb memory, integrated graphics 60GB disco duro, combo drive - $599

Segundo modelo con Core Duo - 1.67 GHz, 80GB disco duro + SuperDrive - $799

Outra novidade: iPod Hi-Fi. ¿Que é este estrano aparello? Unha parella de altofalantes para coloca-lo iPod, só dous botóns e un obxectivo, substituír ós equipos estéreo nos fogares.

Vista cunha certa perspectiva, penso que esta presentación é lixeiramente decepcionante. Non temos un verdadeiro Media Center, xa que o Mini segue a carecer de gráfica potente e de sintonizadora (aínda que é, segundo Apple, ata sete veces máis potente que o seu predecesor), e é un equipo careiro para o que ofrece.
Pola súa banda, iPod Hi-Fi é un lanzamento estrano, difícil de valorar... pretender dar soporte Hi-Fi a un iPod que reproduce arquivos MP3, que están limitados por natureza en canto a calidade, non deixa de ser paradóxico, e non penso que sexa unha alternativa para os que de verdade buscan unha solución de audio de máximo nivel. E o deseño é dos peores que nos presentou Apple en moito tempo, para o meu gusto.

En definitiva, a "Intelización" de toda a gama de Apple segue o seu curso, aparentemente agora a quenda será para os portátiles de consumo, os iBooks, que sempre foron un sinal de identidade para a compañía da mazá, agardemos que desta vez non defrauden.

Virus en Mac OS X!!!!!!

2006-02-18T13:38:00.000+01:00

Algún día tiña que pasar, pero si, os usuarios de Mac enfrontámonos ó primeiro virus para o noso sistema. Vale, certamente isto non é Windows, grazas os sistemas de permisos de UNIX, de xeito que para infectármonos temos que "abrirlle a porta" e abrilo con privilexios de Administrador.
Amáis disto, só afecta a aqueles que empreguen iChat, gran sistema de mensaxería instantánea, pero de uso reducido nesta beira do océano pola non compatibilidade co Messenger de Microsoft.

É un troiano, de calquera xeito, bastante dañino, asi que hai que tomar precaucións. As posibilidades de infección son reducidas, pero hai que estar atentos: agáchase nun arquivo denominado "latestpics.tgz", e baixo o pretexto de ser unha serie de capturas do futuro OS X Leopard (inquedante, normalmente o reclamo nos virus windowseiros o reclamo son fotos doutro tipo XD... non sei como tomar isto). Unha vez descargado, pide o contrasinal de administrador. Por suposto, debemos evitar descargar este arquivo, e de facelo por erro, nunca debemos darlle este contrasinal. E máis nunca debemos darlle o noso contrasinal a ningún arquivo descoñecido. É unha medida de prudencia básica.

Por suposto, hai que estar tranquilos ante estas novas, xa que de seguro que co crecemento de OS X estas novas han ser máis frecuentes. Pero a seguridade dun sistema UNIX fai que sendo prudentes non haxa motivos para preocuparnos en exceso.

Sony presenta o "Anti-iMac"

2006-02-09T17:13:00.000+01:00

Hai un tempo publiquei un post moi crítico con Sony, e hoxe máis que nunca ratifícome en que esta empresa realmente non sabe cara ónde ir. Agora presentan un Vaio (VA1 Series) que supostamente pretende competir en igualdade co iMac de Apple: ordenador compacto, todo-en-un, nunha pantalla TFT. Pois ben, opinade vos mesmos:

Ben, logo podemos entrar en que o deseño é algo secundario, dacordo... pero creo que só ata certo punto. E penso que Sony leva bastante tempo quitándolle importancia a demasiadas cousas...

¿Newton Reloaded? Apple podería mercar Palm

2006-02-09T11:38:00.000+01:00

A recuperación de Apple, que volve a ser unha das empresas líderes no sector tecnolóxico, fai que volva a estar en condicións de protagonizar novas coma esta. Ó parecer, segundo fontes de Xataca, accionistas de Palm xa entraron a valorar esta posibilidade, polo que é crible que nun prazo non demasiado longo se poida concretar a operación.
Se finalmente isto é así, Apple voltaría ó sector dos ordenadores de man, trala negativa experiencia que tivo na primeira metade da década dos 90 co seu Newton, que se ben era unha gran máquina (tecnolóxicamente falando), a verdade é que se adiantou ó seu tempo e quedou en "fora de xogo". Se a iso lle sumamos a depresión xeralizada na que vivía sumida aquela Apple moribunda, non é sorprendente que aquel atraínte trebello pasara ó caixón dos fracasos da compañía californiana (sumándose ó Lisa, ó Apple III, ó Cube, e algún máis).
Agora en cambio, as cousas son moi diferentes, Apple hoxe vive un dos mellores momentos da súa historia, e triunfa no mundo dos gadgets grazas ó iPod (en tódalas súas variedades). Pode ser o momento axeitado para lanzar ó mercado un novo Newton, baseado en Mac OS X, e coa tecnoloxía que pode aportar Palm. Sería unha especie de iPod Pro, unha máquina para aqueles que se sinten atraídos polo iPod pero que buscan algo máis que un reproductor multimedia, que lles gustaría organizar a súa axenda, acceder a redes wifi e navigar pola rede, consultar o correo, abrir documentos e follas de cálculo, etc.
A verdade é que o único punto negativo da operación é que o sector das PDA, agora liderado por Microsoft co seu sistema Windows Mobile, non presenta a vitalidade que tiña hai un par de anos, e as vendas están comezando a diminuír. Se cadra o gancho do iPod pode ser a baza coa que Apple xogue para entrar nese mercado e revitalizalo.

De calquera xeito todo isto son suposicións, pero se a adqusición de Palm por parte dos de Cuppertino se concreta, a bo seguro que moitas delas deixaran de selo. Tanto para Palm coma para Apple sería unha boa nova, pero tamén para os usuarios, xa que a día de hoxe Palm non pode competir con Microsoft, que está a constituír paseniñamente un novo monopolio sen que ninguén pareza quen de impedilo.

S ... G ... A ... E ... (as siglas poñédeas vos, por se acaso)

2006-02-08T12:57:00.000+01:00

Os nosos amigos da "entidade sen ánimo de lucro" máis famosa do estado seguen sendo noticia... (por certo, a publicidade contextual de Barrapunto é moi útil neste artigo XD)

e xa que estamos... tamén nos denunciaran por chamarlles Linux???

¿Paranoia? A SGAE deixa claro que non

2006-02-05T13:55:00.000+01:00

Ogallá que sexa paranoia, pero a verdade e que artigos coma éste, do Navegante de El Mundo, son de todo menos tranquilizadores. Que Estados Unidos conte con medios máis que suficientes para controlar a rede non creo que sorprenda a ninguén, pero de ahí a que os poña en funcionamento, media un abismo. Sobre tendo en conta que Pentágono non goza precisamente de moi boa imaxe a nivel mundial, e "tomar" Internet convertiría a Estados Unidos en pouco menos que o gran censor internacional.

De calquera xeito, a verdade e que cada día parece máis en entredito a liberdade de expresión, coa censura de Google en China, a crise (creo que xa se pode calificar como tal) das caricaturas de Mahoma e, a nivel moito menor (aínda que depende de como o vexades), unha nova que me deixou de pedra...

... non sei se coñeceríades a Frikipedia, parodia en castelán da Wikipedia, replicando (máis ou menos) á súa equivalente na língua de Shakespeare, a Uncyclopedia. Sen ser o colmo da orixinalidade, contaba con algunhas entradas realmente boas. Funcionaba igual que a Wikipedia, e dicir, calquera podía editar os artigos e soltar unhas cantas paridas sobre un tema en concreto.

Pois ben, digo que funcionaba porque esta semana viuse obrigada a pechar e, creerédelo ou non, pero segundo afirma un dos encargados do proxecto en Barrapunto os responsables foron... os nosos amigos da SGAE!

Parece ser que o artigo sobre esta entidade tiña a seguinte descripción: "Siempre Ganamos Algunos Euros". ¿Gracioso? Tal vez non moito, dacordo, é unha parvada, pero á SGAE fíxolle moita menos gracia, demandaron ó responsable do proxecto e provocaron o seu peche. Abraiante. Ante isto un non sabe xa que dicir.

¿Pero estes tíos non saben que se algo non che gusta o podes cambiar, que niso consiste un wiki? ¿E non entenden o que é unha parodia? Non sei o que pensaredes vos, pero a min todo isto cada vez me cheira peor. A Internet que naceu libre está moribunda, e a súa transformación nun "gran irmán" xa non parece algo propio de mentes paranoicas. E iso é o inquedante.

(por certo, se alguén quere ler o "inxurioso" artigo, ven de ser copiado na Uncyclopedia...)

edito o post para comentarvos que hai algún movemento de protesta contra este insulto á liberdade de expresión, segundo leo en Reca Blog. A primeira é a inclusión desta imaxe nos nosos blogs, recén traducida ó galego, alá vai:
a segunda medida é todo un clásico: o "Google Bombing". Tivo éxito con "ladrones", agora hai que conseguilo con "Siempre Ganamos Algunos Euros". Hai queda o meu grao de area.

O navigador do Windows Vista

2006-02-02T10:54:00.000+01:00

Microsoft Internet Explorer 7 Beta xa esta na rúa, dispoñible para tódolos usuarios de Windows XP Service Pack 2. Inclúe moitas das novidades que a reforzada competencia levaba anos ofrecendo, coma pestanas, RSS, buscador integrado (inclúe a Google pese a ser competencia do motor de busca propio de Microsoft). Outra novidade é unha ferramenta anti-pishing, para evitar os riscos que este novo tipo de ameaza supón para os usuarios de banca online.

O que parece que non incorpora é o soporte de estándares web, polo cal seguirá a forzar a boa parte dos deseñadores web a facer sitios pensando especialmente neste navigador, e que en moitos casos non funcionan perfectamente dende os navigadores alternativos. Unha mágoa.

No tocante a seguridade, tódolos parches lanzados por Microsoft nos últimos tempos incorpóranse a IE 7, queda por ver se resiste mellor que a anterior versión os predicibles novos ataques que están por chegar.

Sería desexable que así fora, polo ben da seguridade global da rede, aínda que o desexable de verdade sería que cada día máis xente comezara a apostar por alternativas coma Firefox, Opera ou Safari que levan moitísimo tempo ofertando as novidades que os de Redmond nos presentan agora coma se dunha revolución se tratase.

Dinosaurios da rede

2006-02-02T00:23:00.000+01:00

Atopo en lilyera.net a lista dos dez dominios .COM máis vellos da Internet e a ligazón á páxina que ten a lista cos cen máis veteráns do ranking... supoño que non deixa de ser máis que unha curiosidade só válida para frikis, pero de calquera xeito creo que é interesante ver nesa listaxe dominios que hoxe por hoxe non significan nada para a meirande parte de nós:

SYMBOLICS.COM 03/15/1985
BBN.COM 04/24/1985
THINK.COM 05/24/1985
MCC.COM 07/11/1985
DEC.COM 09/30/1985
NORTHROP.COM 11/07/1985
XEROX.COM 01/09/1986
SRI.COM 01/17/1986
HP.COM 03/03/1986
BELLCORE.COM 03/05/1986

Por certo, Microsoft non entrou nin sequera no top-100, o cal e unha proba máis da escasa confianza que tivo esta empresa na Internet nos seus primeiros tempos, cando tentou impor a súa propia alternativa (The Microsoft Network). Apple entra no top-100, pero non o fai precisamente nos primeiros postos. Apple.com nace en Febreiro do 1987.

Unha "demo" do teclado "máxico"

2006-02-01T15:58:00.000+01:00

Polo visto o tantas veces anunciado Optimus Keyboard, o incrible teclado que leva ó máximo a expresión "persoalizable", vai sufrir un retraso no tocante á súa data de saída, aínda que non parece que o proxecto teña sido cancelado. Dito doutro xeito, os que agardabamos a saída deste teclado que a través de "minipantallas" nas teclas permitía obter unha configuración distinta para cada programa, teremos que seguir
agardando.

Cando menos, e se cadra para amosarnos en vivo e en directo como vai ser a tecnoloxía que estará tras este teclado, a compañía rusa responsable do proxecto ven de por á venda un "miniteclado" con tres teclas que se poden configurar para diferentes aplicacións e que permiten visualizar os procesos que están a producirse durante o uso das mesmas.

Aquí tendes unha imaxe que nos explica algo mellor que é exactamente este teclado, e na páxina do mesmo veredes como vai con diferentes aplicacións...

... e entre os exemplos, tendo en conta que polo de agora só está dispoñible para usuarios de Windows (suponse que só temporalmente), ofrece algunhas das características irrenunciables nun teclado para ese sistema:

Todo isto e moito máis atoparédelo en Microsiervos, onde por certo levan meses falando e especulando sobre o Optimus Keyboard... non sabemos se ó remate será ou non vaporware, pero cando menos parece que xa temos algo "físico" para facernos unha idea, aínda que só teña tres teclas.

Adeus ó Aibo

2006-01-30T12:10:00.000+01:00

Veño de ler en Barrapunto (logo duns días máis offline que de costume) que Sony decide rematar unha etapa pechando a súa unidade de robotica, na cal se desenvolvía a "mascota robot" Aibo ou o, aínda en proxecto (e que quedará para sempre como tal) humanoide Qrio.

Pregúntanse en Barrapunto se estamos ante un erro de Sony, e a verdade é que o camiño que leva a compañía xaponesa nos últimos tempos non é o mellor... e os resultados da mesma tampouco.

Non é que esta unidade lle aportase grandes beneficios económicos, pero era unha das poucas areas innovadoras dunha empresa que últimamente vai dando tumbos, coa súa tardía adaptación ó MP3 (e a súa obcecación co MiniDisk), que lle outorgou unha vantaxe case insalvable ó iPod, os decepcionantes resultados da nova PSP sobre todo no mercado xaponés fronte á súa competidora de Nintendo, e recentemente a enorme polémica cos rootkits "de agasallo" nos cds da súa discográfica

Moito terán que cambiar as cousas para que Sony volva a ser esa empresa que sorprendía pola súa capacidade de innovación e pola calidade dos seus produtos, e eliminar áreas coma estas, na miña opinión, non é o mellor xeito de voltar á boa senlla.

Windows, código e libre nunha mesma frase

2006-01-25T20:17:00.000+01:00

Non é que pensades (a ciencia ficción non é contido deste blog por agora), pero por primeira vez Microsoft terá que ensinar o código de Windows os seus principais competidores, por mandato da Comisión Europea.

Se a isto lle sumamos que Microsoft presentou unha serie de licenzas de software "pseudo-libres" non hai moito tempo...

... que non, que non, que o que pensades é imposible!!!

Happy Birthday

2006-01-25T11:42:00.000+01:00

Cúmprense 22 anos dende que, por primeira vez, os consumidores estadounidenses foron saúdados por unha máquina:

Nacía o primeiro Mac, e foi "apadriñado" por xente ben coñecida a día de hoxe. E realmente curiosa:

Sí, el tamén "pensaba diferente"... e mirade ónde chegou!

Boísimo

2006-01-24T11:00:00.000+01:00

Vale, "La Hora Chanante" terá detractores e seguidores, pero dende logo a parodia que fixeron de Bill Gates non deixa de ser realmente boa:

E non é a única, nesta comparte protagonismo co mesmísimo Jobs.

O raposo xa fala galego

2006-01-24T10:26:00.000+01:00

Grazas á xente de Galego 21, responsables da tradución de Firefox 1.5. Polo de agora non é oficial, xa que resta a corrección final do programa e da axuda, pero xa vos podedes descargar dende aquí o arquivo que traduce o navigador ó noso idioma.

O certo é que non é a primeira versión de Firefox en galego, xa que versións anteriores á 1.0 dispuñan xa por aquel entón de tradución, realizada nese caso pola xente do Proxecto Trasno.

Sendo como é o mellor navigador do momento e un dos programas "estrela" do pasado ano, a actualización da súa traducción ó galego era agardada por moitos e xa está aquí.

E válida para tódalas versións de Firefox e para tódolos sistemas, e a súa instalación non ten ningún misterio, instálase coma unha extensión máis (arquivo .xpi). A calidade da traducción é realmente boa, e hai que recoñecer que da gusto traballar con software en galego, anque nos movamos perfectamente en castelán ou inglés.

E, sobre todo no software libre, hai moitos programas en galego, máis das que pensamos. E todo hai que dicilo, tamén no comercial, coas traducións de Windows e Office.

O que é máis difícil é acadar un Mac OS X en galego, por que o número de usuarios é máis reducido, de tódolos xeitos en Cataluña xa hai voces reclamando a tradución ó catalán. Se cando menos permitiran que os usuarios realizaramo-la tradución eles só terían que aplicala, cousa pouco problemática nun sistema plurilingüe coma Mac OS X.

Pero ó que imos, Firefox en galego, xa o podedes baixar, e imaxino que en pouco tempo estará dispoñible na páxina de Mozilla xunto ás demáis versións. ¡Grazas ó equipo de tradutores!

Está ben ser agradecidos... pero isto é pasarse

2006-01-23T13:15:00.000+01:00

Ás veces parece que non só nos gusta unha marca de ordenadores, senón que somos auténticos siareiros da mesma, coma se dun clube de fútbol se tratase.

Apple cumpre trinta anos nun par de meses e a uns afeccionados -con bo ollo para os negocios, todo hai que dicilo- non se lles ocorreu mellor idea que crear unha páxina dende a que venden camisetas e todo tipo de merchandasing sobre o cumpreanos da compañía da mazá. Tamén teñen outros contidos, coma citas dos protagonistas e algunhas outras que a bo seguro irán engadindo.

¿Que opinarán "os Steves" (Jobs e Wozniak) do que é quen de mover hoxe en día esa empresa nada nun garaxe?

Disney, a piques de mercar Pixar

2006-01-22T23:15:00.000+01:00

E isto podería ter algún efecto colateral no mundo Mac, xa que lembremos que Steve Jobs, amáis de CEO de Apple é tamén o máximo dirixente de Pixar. Jobs converteríase no máximo accionista individual de Disney, de ter lugar esa operación, e tería unha importante influencia nas decisións adoptadas na compañía do rato Mickey.
¿A alguén lle extrañaría, sen ir máis lonxe, que en cuestión duns meses, de ter lugar esta operación, comecemos a ver contidos de Disney na iTunes Music Store? A verdade é que esa é a primeira posibilidade que se me ocorre, pero a bo seguro que hai moitas máis.
Polo de agora, son todo especulacións, pero cando dende blogs de prestixio ata xornais ó redor do planeta falan abertamente do tema, creo que se lle pode dar bastante credibilidade.

Trala web, Google vai polos xornais

2006-01-22T19:51:00.000+01:00

¿Cáles son os límites deste xigante? Hai uns meses comezábase a falar desta posibilidade, pero agora xa temos as primeiras probas de que Google está disposto a conquistar tamén o mundo físico, unha vez dominado o virtual.
E o primeiro paso é controlar pouco a pouco a información nese mundo real, polo que hai que ir tomando posicións. Para empezar, Google Adwords, o afamado sistema de publicidade relacional que está presente ó longo e ancho da rede chega ós xornais, e de feito a primeira proba piloto xa a puideron comprobar os lectores do Chicago Sun-Times:

Os anuncios, idénticos os presentes en millóns de sitios web, apareceron ó marxe dunha páxina na sección de deportes, e o seu contido está totalmente relacionado coa temática tratada no artigo correspondente do xornal.
Cada día está máis claro, Google pode chegar a ser moito máis que Microsoft, porque non só está centrada en Internet ou na informática en xeral. Está centrada na información mundial, e quere facilitar a súa organización, o cal implica tamén dalgún xeito o seu control.
A cantidade de información que Google ten entre mans é tan grande (comezando por este blog que estades a ler, aloxado nos seus servidores, e chegando ate a caché dos últimos oito anos de importantes sitios web, o correo electrónico de centos de miles de internautas, as buscas realizadas por outros centos de miles, etc., etc., etc.).
O dominio do mundo virtual é case un feito. O que poden facer no mundo físico está por ver, polo de agora xa puxeron a primeira pedra.

Un Mac nunha chave USB!

2006-01-21T18:30:00.000+01:00

Dacordo, non é con Mac OS X, pero si é interesante para os que non probaramos o vello Mac OS saber que en moi pouco espazo podemos ter un sistema perfectamente funcional e con tódalas aplicacións que fixeron grande a ese sistema. E levalo connosco, vantaxe engadida.

Este titorial explica (iso si, in english) dun xeito doado como facelo, e inclúe a ligazón dende a que poderedes obter, absolutamente de balde, as imaxes de Mac OS 7.1, que Apple ofrece no seu sitio web.

Podedes aplicar este titorial en Mac OS X, en Windows ou en Linux sen problemas.

A ollos de que non probara nunca o Mac OS anterior a OS X, hai que recoñecer que era un gran sistema, máis aínda se temos en conta que a versión empregada, a 7.1, é do ano 91, en que os PCs seguían dominados polo DOS de Microsoft, xa que as incipientes versións de Windows por aquel entón pasaban case desapercibidas. Namentres, os usuarios de Mac xa desfrutaban dun entorno gráfico moi avanzado en de características moi novidosas, como a multitarefa.

A dúbida é se ese espírito innovador de Apple seguirá vixente na actualidade... Na miña humilde opinión, cando menos algo se perdeu. ¿Que opinades?

Video sospeitoso

2006-01-18T19:09:00.000+01:00

Ou directamente trucado. Neste video amósannos a suposta diferencia brutal de velocidade ó iniciarse entre un flamante iMac Intel e o iMac G5. Pos ben, só podo dicir que ese video é falso a todas luces.

A ridícula velocidade á que carga a máquina con PPC (aproximadamente un minuto máis que o novo iMac) non se corresponde en absoluto ca velocidade dun iMac G5 en bo estado.

O meu G5, da primeira revisión e con só 512 megas de RAM tarda ó mesmo (segundo arriba, segundo abaixo) que o iMac Intel do video.

Non nos deixemos enganar por videos coma estes que agora comezarán a difundirse pola rede. Só cando os iMac Intel estean aquí, nas mesas de todos os usarios, será o momento de ver que é o que pasa con eles.

¿Unha nova orde política?

2006-01-13T11:06:00.001+01:00

Se hai uns días falabamos da creación en Suecia dun partido que defendía o dereito ó intercambio libre de arquivos e a abolición da propiedade intelectual, o "Partido da Piratería", parece que non tardou en aparecer unha candidatura contraposta a esta, a do "Partido Antipiratería".

É evidente que nin uns nin outros teñen posibilidades de nada nas vindeiras eleccións lexislativas, pero se cando menos serven para que estes temas estean presentes na campaña electoral e os partidos maioritarios se mollen dando a súa opinión e facendo propostas, sempre son benvidos.

Novidades software dos últimos tempos

2006-01-12T22:24:00.000+01:00

Mac OS X 10.4.4, nova versión do noso sistema operativo favorito. No meu caso aprecio unha mellora na fluidez con que funciona todo, especialmente aqueles elementos da interface máis esixentes, coma os que tiran de CoreImage ou CoreVideo. Exemplo práctico para que vos fagades unha idea: as animacións dos Widgets, que vense moito máis fluídas e son máis instantáneas.

Polo que a min respecta, e se a alguén lle interesa, o Blender (programa de deseño 3D libre) volve funcionar por fin, tras "estragarse" coa actualización anterior. Xa ía sendo hora.

iTunes actualizado a 6.0.2, poucos trocos, e algúns en xeral para peor. Agora aparece un cadro que che leva á iTunes Music Store para mercar música do artista que estas a escoitar. É unha intromisión un pouco desagradable, pero se pode desactivar.
QuickTime tamén actualizado, agora ven, polo que puiden ler, mellor non o actualicedes polo de agora se queredes evitar problemas co Flip4Mac do que falo máis abaixo.
Google Earth, xa hai versión final descargable dende a páxina de Google. Non varían moitas cousas respecto da Beta que comentei hai unhas semanas. Para moitos vai mellor, pero a min dame a impresión de ir algo a tiróns, cousa que non me pasaba coa beta. Será unha impresión, nada máis.
Flip4Mac, agasallo de Microsoft (algo quererá XD), programa moi interesante xa que permite abrir os arquivos de Windows Media no noso Quicktime. Tamén en navigadores web. Xa podemos esquencernos do Windows Media Player... e coido que Microsoft tamén, como un seguinte paso tras esquencerse do Internet Explorer. Por ahí deben ir os tiros.

Bueno, xa vedes, unhas cantas cousas, e todas de balde. Que máis se pode pedir ;P

Unha visita á Apple Store do futuro...

2006-01-12T15:23:00.000+01:00

... se a alguén lle apetece mercar un altar de Steve Jobs, un inodoro "made in Apple" ou un iTug (moi útil XD), entre outros trebellos cun alto nivel de frikismo (ollo: moi alto, se non es suficientemente friki pode causar danos irreparables, avisados quedades), terá que agardar un chisco, a verdade.

Pero pode ir abrindo boca nesta peculiar xanela ó futuro da Apple Store.

*por certo, moi bos os trebellos incomprensibles, ti só mércaos, ok? XDXDXDXD

Saúdos

O novo MacBook Pro

2006-01-11T00:19:00.000+01:00

Co PowerPC despídese unha gama mítica de portátiles, despídense os Powerbooks, deixando iso si un herdeiro directo: longa vida ó MacBook Pro!

(Opinión persoal: o nome é moi mellorable.)

Na Keynote houbo máis novidades de interese, con novas versións de iLife e iWorks. Keynote interesante se dúbida.

Mañá con tempo a verei, a tedes dispoñible aquí, pero o servidor debe estar bastante saturado.

¿Cómo analizarán os expertos este movemento? Nin iBook nin Mac Mini, os primeiros Intel son iMac (o sobremesa de consumo) e PowerBook, agora MacBook Pro (o portátil profesional).

Por certo, Jobs afirmou que cando remate o ano tódolos Mac levarán procesador Intel. Así que agárdanos un ano movidiño.

MacBook Pro

15,4": 1,67 GHz Intel Core Duo

Pantalla de 15.4" TFT con resolución de 1440x900
Procesador 1.67GHz Intel Core Duo con 2MB de caché L2
Bus frontal a 667MHz
512MB (único SO-DIMM) 667MHz DDR2 SDRAM (PC2-5300)
Disco duro 80GB 5400rpm Serial ATA
SuperDriveSlot-load (DVD±RW/CD-RW)
ATI Mobility Radeon X1600 con 128MB GDDR3

Precio 1999 dólares

Envío a partir de Febreiro

15,4": 1,83 GHz Intel Core Duo

Pantalla de 15.4" TFT con resolución de 1440x900
Procesador 1.83 GHz Intel Core Duo con 2MB de caché L2
Bus frontal a 667MHz
1GB (único SO-DIMM) 667MHz DDR2 SDRAM (PC2-5300)
Disco Duro de 100GB 5400rpm Serial ATA
SuperDrive Slot-load (DVD±RW/CD-RW)
ATI Mobility Radeon X1600 con 256MB GDDR3

Precio 2499 dólares

Envío a partir de Febreiro

Case toda a información obtida hoxe da Keynote a tedes en Faq-Mac, que fixeron un seguimento da xornada verdadeiramente completo.

O novo iMac

2006-01-11T00:03:00.000+01:00

Exactamente igual por fora, ata dúas veces máis potente por dentro.

Imac 17 " 1,83 GHz Core Duo

Pantalla de 17" panorámica LCD con resolución de 1440x900

Procesador 1.83 GHz Intel Core Duo con 2MB de caché de nivel 2

512MB (single SO-DIMM) 667MHz DDR2 SDRAM (PC2-5300)

160GB Serial ATA hard de disco duro

SuperDrive de dobre capa de carga por ranura 8x

ATI Radeon X1600 graphics con 128MB GDDR3

AirPort Extreme y Bluetooth 2.0 incluídos

Prezo 1299 dólares

Dispoñible en 1-3 días laborables

Imac 20 " 2 GHz Core Duo

Pantalla de 20" LCD con resolución de 1680x1050

Procesador 2.0 GHz Intel Core Duo con 2MB de caché de nivel L2

512MB (single SO-DIMM) 667MHz DDR2 SDRAM (PC2-5300)

250GB Serial ATA de disco duro

SuperDrive de dobre capa de carga por ranura 8x

ATI Radeon X1600 graphics con 128MB GDDR3

AirPort Extreme y Bluetooth 2.0 incluídos

Precio 1699 dólares

Dispoñible en 1-3 días laborables

Os primeiros Mactels xa son unha realidade, con vostedes...

2006-01-10T20:47:00.000+01:00

MacBook

iMac

Parece que si haberá novidades

2006-01-09T22:44:00.000+01:00

Segundo Faq-Mac mañá hanse presentar ata tres novidades hardware na MacWorld... e moi posiblemente portátiles. Ou eso, din en Faq-Mac, son os últimos rumores que van chegando dende San Francisco.

¿iBook, PowerBook... Mac Mini? Non sería unha mala triloxía, ¿verdade?

O peor é que mañá non vou poder seguir a conferencia online (aínda que polo visto tampouco vai ser posible facelo, porque non haberá streaming)... de calquera caso será pola noite cando me enterarei do que pasou, e ogallá me leve una boa sorpresa e a poida compartir neste blog.

A verdade é que o mundo Mac é moi especial... e este tipo de acontecementos, que supoñen unha revolución entre usuarios de todo o mundo así o demostran. ¿En que outra plataforma informática existe algo semellante?
Saúdos e... mañá falaremos, con novidades garantidas, sexan cales sexan!

Últimos rumores: ¿Apple Plasma HDTV?

2006-01-09T15:22:00.000+01:00

En E ngadget comentan esta posibilidade, que segundo o que parece se basearía na tecnoloxía VIIV de Intel, que permite desfrutar dun PC con grandes capacidades multimedia e de conexión á rede, xunto con control remoto, e todo isto nunha pantalla de plasma dun tamaño que pode chegar ás 50''. En resumo, unha aposta distinta e cun obxectivo claro, ser unha alternativa ó concepto de Media Center existente ata o de agora, baseado case sempre un Barebone.

E para Apple sería o seguinte paso trala última versión do iMac G5, que xa facía uso do acceso remoto e do seu propio "Media Center", a aplicación FrontRow. Co lanzamento do iMac G5 moitas voces críticas cos de Cuppertino defendían que a introducción do control remoto non tiña sentido nun ordenador en principio feito para o escritorio coma o iMac, e que a lóxica invitaba a incorporalo nun Mac Mini, por exemplo, convertíndoo no Barebone de Apple.

Se se confirma o rumor actual, Apple terá o seu media center, pero en forma de "irmán maior" do actual iMac G5, unha máquina potente no interior dun monitor plano, neste caso de plasma e de ata 50''.

Non sei que grao de creidibilidade pode ter, pero ó que si é certo e que os rumores xurdidos a pouco tempo dunha keynote adoitan ser bastante cribles, e o caso máis salientable é o da transición a Intel, que era absolutamente insospeitada ata dous días antes do seu anuncio por parte de Jobs (co xa mítico "it's true!").

Xa se verá o que pasa. De calquera xeito, a idea a min persoalmente non me convencería tanto coma un Mac Mini (mellorado, lóxicamente), empregado coma Media Center. Non sei porque, pero o certo e que eu sempre crin que no caso dun equipo multimedia para o salón, ten moito máis sentido a separación entre o monitor e o ordenador, permitindo variar ambolosdous independentemente.
E permitindo tamén levarte contigo o reproductor (ou ordenador, neste caso) e poder irte ca música (ou o contido multimedia, en xeral ;P) a outra parte. Exemplo, ¿se quero levar a unha festa na casa dun amigo o meu media center... como carallo levo ese monitor de 50''????

Queda menos dun día para saír de dúbidas, que novidades caerán nesta Macworld? ¿Teremos que rabuñarnos os petos en plena costa de Xaneiro ou saíremos decepcionados e maldicindo con frases coma "desta pásome a Windows", ou "case mellor probo con Linux" ou "estou farto destes aparellos do demo, voume vivir ó Tibet e adicarme á vida contemplativa"?

Verémolo moi pronto... por certo, se alguén quere saber que hai detras das compexas presentacións do amigo Jobs, Joy of Tech ten información privilexiada.

Bill Clinton, CEO de Microsoft?

2006-01-07T17:46:00.000+01:00

Cómo me gustan este tipo de rumores. Ó parecer a nova naceu en VoIP Watch e se estendeu coma a pólvora polos blogs máis influíntes da rede. Polo visto Microsoft, cre que Ballmer (ídolo de usuarios de Mac ou Linux, por actuacións incribles, para mostra, unha que acabo de descubrir, moitos xa coñeceredes outras míticas) non é o máis axeitado para o futuro dunha compañía que terá que afrontar nos vindeiros anos unha situación descoñecida, na cal a competencia, ate fai ben pouco case esquencida, vai tomar corpo e ameazar o seu insultante dominio actual.Parece que o ex-presidente dos Estados Unidos Bill Clinton leva meses visitando Redmond con frecuencia, preparando o seu desembarco na multinacional dirixida por Gates, e que é moi posible que o faga coma novo CEO (Chief Executive Officer, ou o que é o mesmo, presidente da mesma).

O cargo de CEO nas empresas norteamericanas está á marxe do de chairman, que é o que ostenga Gates. O CEO encárgase das relacións institucionais da empresa, actuando dalgún xeito como "embaixador" da compañía. O chairman ten ó seu cargo a xestión máis directa.

En calquera caso, este rumor resulta difícil de crer, especialmente tendo en conta que o Goberno Clinton foi moi duro con Microsoft, e os litixios que tivo que afrontar a multinacional informática durante este periodo puxérona á beira de ser dividida en dúas. En comparación, a nova administración republicana foi moitísimo máis benigna cos de Redmond.

A isto poderiamos engadir a relación existente entre Al Gore, ex vicepresidente e bo amigo persoal de Clinton e competidores de Microsoft como Apple ou Google, das que forma parte como conselleiro.

Non hai que descartar que esta nova se poida confirmar, ou ben que Clinton se poida incorporar simplemente coma conselleiro a Microsoft, pero dende logo é un dos rumores máis curiosos en moito tempo.

Keynote de Xaneiro... ¿qué podemos agardar?

2006-01-06T11:15:00.000+01:00

Estreamos contador e tocamos directamente por primeira vez o tema estrela das últimas semanas... Keynote de Steve Jobs na MacWorld de San Francisco que comeza nun par de días.

É sen dúbida o acontecemento máis agardado en moitísimo tempo no mundo Apple, principalmente porque hai quen afirma que poderían ver a luz os primeiros Mac con procesador Intel. De calquera xeito, e para saber a que podemos aternos, e que as espectativas non pasen por riba da realidade, sería interesante ver que se presentou nas Keynotes de Xaneiro dos últimos anos:

2001: o prato forte, a presentación de Mac OS X na súa primeira versión, o revolucionario sistema operativo que remataría converténdose en referencia para a súa competencia. Xunto a este, renovación da gama profesional e lanzamento de iDVD e iTunes. Unha keynote que pode ser referencia para a que ven, xa que o lanzamento dun novo sistema operativo supuxo o punto de partida dunha "transición" e o cambio de arquitectura que se nos ven enriba será o comezo doutra.
2002: iMac G4, ou iLámpara para os amigos. Un deseño incrible, e naquel momento unha máquina moi competitiva. Aínda hoxe segue a ser unha referencia para referirse ás máquinas de Apple. Final Cut, Photoshop para Mac OS X e iPhoto completan unha keynote moi interesante.
2003: iLife, PowerBook de 17'', Keynote (programa para presentacións), lanzamento de Safari...
2004: iPod Mini, nova versión de iLife, XServe G5, novo Final Cut...
2005: Mac Mini (most affordable Mac ever) e iPod Shuffle foron as estrelas da conferencia, ás que hai que engadir novas versións de iLife e Final Cut e a presentación de iWorks, primeiro intento de crear unha suite ofimática por parte de Apple, combinando Keynote con Pages, novo procesador de textos.

Como vemos, as presentacións de Xaneiro céntranse na súa meirande parte no sector de consumo, salvo algunhas excepcións coma o lanzamento do XServe G5...

Isto apoia as teses de que o que podemos ver é un novo iBook, xa que a día de hoxe é a gama de consumo máis atrasada, e de feito poderíase converter na primeira Intel Inside (bueno, a pegatina cambiou, todo hai que dicilo ;P)

En fin, sexa o que sexa hai unha cousa curiosa sobre esta Keynote, por primeira vez en moito tempo o nivel de fakes diminuiu, coido que a xente esta vez está tan confusa que ninguén se atreve a sacar os seus "prototipos imposibles". Xa queda menos, de calquera xeito...

Steve, Steve... a ver con qué nos saes....

Veña, senón podes fuxir das modas, únete a elas!

2006-01-05T23:32:00.000+01:00

Donas e cabaleiros, con vostedes o mellor chiste de loiras da historia. Un pouco longo, ollo, pero boísimo!

Fundado en Suecia o "Partido da Piratería"

2006-01-05T11:02:00.000+01:00

É unha iniciativa que tiña que xurdir dun momento a outro. Cando institucións coma a SGAE, que supostamente defenden os dereitos de autor comezan a ter comportamentos abusivos que chegan a ameazar a liberdade individual, ás iniciativas cidadás opoñéndose a estes comportamentos espállanse ó redor do mundo, tanto real coma virtual.

Unha das máis ambiciosas, seguramente a que máis, ven de Suecia e acaba de concretarse en forma de partido político. O "Piratpartiet" ven de reunir as sinaturas necesarias para tomar parte nas vindeiras eleccións lexislativas nese país, ás que se ha presentar cun programa centrado exclusivamente na abolición de tódolos tipos de propiedade inmaterial, copyright, patentes, marcas rexistradas, e na defensa dos dereitos individuais na rede fronte ás normativas que pretenden conculcalos, coma a lei de retención de datos que se ven de aprobar en Bruxelas.

É certo que é un partido que vai máis alá en certas cuestións, coma a eliminación de marcas rexistradas ou certos tipos de copyright do que eu vexo necesario, pero non é menos certo que actúan seguindo o principio de acción-reacción. Se ás ameazas ás liberdades públicas desapareceran, seguramente a altura de miras deste partido diminuiría. Polo tanto, é comprensible a súa posición e perfectamente defendible.

O obxectivo deste partido, que é perfectamente factible, é acadar representación parlamentaria. Polo de agora os internautas suecos estánse a converter en auténticos promotores do mesmo.

O máis criticable deste partido, na miña opinión, é a súa denominación, "Partido pola Defensa das Liberdades Dixitais" ou algo polo estilo sería bastante máis serio e polo tanto máis crible como opoción política, a verdade.

En calquera caso, non sei se a nivel galego ou español un partido deste tipo contaría con moitas posibilidades de éxito. Aínda que moitos a bo seguro non o veríamos con malos ollos. ¿Servirá este partido sueco para que iniciativas semellantes comecen a aparecer non resto de Europa?

Gmail en Galego XA!

2006-01-04T16:36:00.000+01:00

É unha pregunta que me fago cada certo tempo, e non chego a entendelo. Vexamos, en setembro atópome con esta nova en Vieiros: Culmínase a tradución de Gmail ao galego en dúas horas. Magnífico, así que en cuestión de semanas xa estará dispoñible. Que ben.

Sen embargo, co paso tempo non se produciron novidades, indo ás opcións de Gmail o noso idioma segue sen aparecer. Pasado un tempo, nun intre de aborremento decido botar unha ollada na páxina de traducións de Google, e vexo que dentro do Gmail hai dúas seccións: Gmail Email e Gmail Static UI Content, que supoño que será todo o referido á interface gráfica. A primeira estaba traducida ó 100% e a segunda a un 98%.

Entón, xa que dispuña de tempo, decidín rematalo, vendo que non quedaba moito. En cuestión de 10 minutos estaba. En teoría, todo o referido ó Gmail quedaba traducido, e de feito as dúas seccións aparecían xa ó 100%.

Pero ate o de agora non hai nada, e xa estamos de cheo no 2006. Indo a páxina de traductores segue aparecendo a tradución ó 100%, como podedes ver na imaxe superior, pero o Gmail segue sen dispor de versión en galego.

Podo comprender que as grandes multinacionais "pasen" de dar cobertura as línguas menos extendidas. A lei do mercado funciona así, móvese polas expectativas de rendibilidade dunha determinada acción, e iso depara tanto cousas positivas como negativas. Pero cando estas empresas o único que teñen que facer e presentar o traballo que xa lles fixeron outros, entón definitivamente non o podo aceptar de ningún xeito.

A ver se hai trocos nas vindeiras semanas, pero dende logo só hai un culpable desta situación, e é Google. A tradución xa a teñen dende hai moito, ¿cando teñen pensado devolvernos o traballo que lles fixemos?

E como este "berro de guerra" funcionou, non podo senón adaptalo ó caso: Gmail Galego XA!

Aínda que como tarde o que tardou a selección, case mellor imos buscando asento... ;P

Saúdos!

Os Widgets do Dashboard funcionarán en KDE

2006-01-04T00:02:00.000+01:00

KDE 4 promete. A renovada interfaz e todas as novas características que se poden resumir no novo escritorio Plasma fan que a nova versión de KDE teña unha pinta excelente.

O último que coñecemos desta nova versión é unha sorprendente novidade: os Widgets de Mac OS X Tiger funcionarán tamén en KDE, e farano exactamente da mesma forma. Así o anunciou Zack Rusin, un dos máximos responsables deste entorno libre para sistemas Unix.

Os Widgets, como saberedes, son esas "miniaplicacións" que nos permiten obter instantáneamente información de todo tipo: sobre o estado do noso sistema, as derradeiras novas, o tempo, cotización da bolsa, o noso correo electrónico, entre outras posibilidades. En Tiger funcionan no Dashboard que, para entendernos, é unha "capa" que activamos cando a necesitamos, de xeito que non nos molestan mentres traballamos coas restantes aplicacións. Útiles, cómodos e cun deseño excelente, en definitiva.

Se son compatibles con KDE, e técnicamente pódeno ser, non é probable que vaian contar coa oposición de Apple, que mantén unhas estreitas relacións cos programadores de KDE, con altibaixos, é certo, pero en xeral boas. O motor de Safari, sen ir máis lonxe, vén directamente do Konqueror de KDE.

O lanzamento de KDE 4 non ten data prevista, aínda que é probable que se produza a finais deste ano... non nos van a quedar unllas que mordernos!

Forrado... ¡de píxeles!

2006-01-03T20:14:00.000+01:00

Nunca unha idea aparentemente estúpida deu tanto resultado (ben, se me paro a pensar ocórrenseme moitas ideas estúpidas que triunfaron, hehe, pero xa me entendedes). Resulta que a un tal Alex Tew, estudante británico de 21 anos ocorréuselle unha brillante idea:

"Estaba tentando pensar en xeitos interesantes de gañar algunha pasta antes de ir á Universidade ( que comeza nun mes ) e, dalgún xeito, ocorréuseme esta idea tan tola: Vou tentar obter un millón de dólares, vendendo 1.000.000 de pixels, a un dólar cada un." En definitiva, se te queres anunciar na súa páxina, simplemente mércaslle os píxeles que queiras (lote mínimo: 100) e xa está.

Aparentemente é absurdo, pero sorprendentemente comezáronlle a chegar peticións. Unhas traían a outras, a noticia foise estendendo, e a páxina hoxe ten este aspecto. Ou o que é o mesmo, a confusión en estado puro. Apenas quedan xa píxeles por ocupar, e as ganancias de Alex chegan (pásmense vostedes) ó desexado millón de dólares. E para aumentar máis aínda o estupor... ¡comezou a reventa de píxeles en eBay!

Lóxicamente a nova deu a volta ao mundo, e en blogs como Microsiervos chegan á conclusión máis lóxica: a xente é idiota.

Pero sinceramente, coa repercusión que nas últimas datas obtivo esa páxina, os "microanuncios" estan a ser vistos por centos de miles de ollos de todo o mundo, e segundo parece o tráfico nas súas páxinas incrementouse. Así que realmente non debeu ser un mal negocio para eles. E para Alex foi o negocio da súa vida. E do xeito máis estúpido, que todo hai que dicilo.

Wordpress 2.0... ¿é o momento de tentalo?

2006-01-02T20:02:00.000+01:00

Levaba tempo dándolle voltas á posibilidade de crear unha versión en castelán deste mesmo blog, sen embargo as limitacións de Blogger neste sentido son importantes, de xeito que estou decidido a pasar a WordPress. O lanzamento da versión 2.0 foi o impulso final que necesitaba para decidirme.

A miña idea e crear un blog bilingüe (terei que ver o xeito de facelo, xa vedes que agora o que teño e unha ligazón o traductor Apertium, e da bastantes problemas en certos navigadores, polo que vin), e poder aproveitar aquelas cuestións que solucións como Blogger inexplicablemente aínda non implantaron, entre elas e moi especialmente as categorías. Amais disto Wordpress ofrece moitas máis posibilidades de persoalización da bitácora, aínda que supoño que tamén máis dificultades. Apetéceme aprender, así que non haberá problema.

Namentres non haxa nada feito sigo nesta dirección, pero supoño que en cuestión de semanas comezará a mundanza. Sei que este é un blog que está case en cueiros, pero coido que precisamente por iso o mellor momento para facer os cambios que vexa precisos é este.

Como moitos dos que me visitades sodes, a bo seguro, bloggers e tedes moita máis experiencia ca min, agradecería moitísimo consellos para a mudanza, e sobre todo gustaríame saber se estou facendo o correcto, ou é unha complicación innecesaria...

Feliz 2006

2005-12-31T15:41:00.000+01:00

Feliz aninovo a todos! Achégase un 2006 moi prometedor e ó mesmo tempo incerto no tocante a actualidade informática e especialmente no que respecta a este mundo tolo dos ordenadores Apple.

En cuestión de dez días podemos ter a primeira gran novidade coa vindeira Keynote na cal, segundo ós rumores, o amigo Jobs podería presentar os primeiros Mactels (ou MacIntels, ou xa veremos que denominación remata por imporse, polo de agora eu quédome coa primeira). Nos primeiros días do ano que ven a actualidade vai estar centrada neste esperado evento e tentarei estar ó tanto dos principais rumores que vaian xurdindo, algúns deles cumpriranse, outros quedaran no tinteiro (ou gardados para a seguinte keynote), aparecerán os xa míticos fakes (algúns deles auténticamente bizarros, pero outros tan apetecibles como irreais).

Pero esta keynote só será o comezo. O ano 2006 será o da transición a Intel, o da posible presentación de Leopard e de moitas outras novidades que agora mesmo nin imaxinamos.

Será tamén o primeiro ano desta humilde bitácora na rede, que polo de agora está a dar os seus primeiros pasos, ogallá poida mellorala e coa experiencia vaia gañando en contidos e interese.

Vémonos, e como xa dixen, feliz aninovo a todos!

Diferenzas entre Web 2.0 e Web 1.0

2005-12-30T17:39:00.000+01:00

Para os que sigan a ter dúbidas...

Web 1.0

Web 2.0

máis claro, auga!

Visto en Microsiervos.

¿O Firefox da música ou... o plaxio do século? Verémolo.

2005-12-26T11:37:00.000+01:00

Está por ver, pero dende logo pode aveciñarse unha nova polémica con Apple de protagonista e unha interface de por medio. Só que a outra parte non é nesta ocasión a empresa informática máis poderosa do planeta, senón unha empresa formada por cinco programadores.

Os usuarios de Mac o moitos usuarios de Windows levamos tempo desfrutando de iTunes, que posiblemente é o mellor reproductor musical dispoñible a día de hoxe. A súa calidade ven da man dunha interface limpa e sinxela, que facilita o seu manexo dende o primeiro momento. Se lle encargamos a organización da música que temos no noso disco duro non pode ser máis eficiente, facendo que incluso o usuario máis desordeado acabe tendo a súa biblioteca de música perfectamente organizada por albumes, autores, xéneros, etc.

Sen embargo, hai dúas críticas que se lle poderían facer, a primeira e que non sexa software libre e a segunda que a única tenda de música a que nos permita acceder sexa iTunes Music Store.

Atendendo a estas críticas, un grupo de programadores, liderados por Rob Lord, decidiuse a crear unha compañía e comezar a desenvolver unha alternativa libre para este programa. Segundo eles afirman, "iTunes é coma Internet Explorer, se Internet Explorer só puidese navegar por Microsoft.com", "encántanos Apple, e apreciamos e agradecemos que estableceran un listón en termos de usabilidade, pero é inevitable que a estructura do mercado cambie ó mesmo tempo que éste madura". Precisamente de ahí ven o nome da nova compañía, Pioneiros do Inevitable. Ambición, dende logo, non lles falta.

Pois ben, a criatura xa está case lista para ser presentada en sociedade, e a comezos de 2006 está previsto o lanzamento da primeira beta de Songbird. E para ir quentando o ambiente, veñen de amosar as primeiras imaxes... e de provocar con elas unha certa sensación de estupor.

No seu estado actual, a interface de Songbird é prácticamente idéntica á de iTunes, de feito semella ser tan só iTunes cunha skin diferente. Isto fixo que as críticas comezasen a chegar dende tódolos recunchos.

Eles afirman que empregan esta interface porque é realmente boa, pero que a diferencia de iTunes conta coa vantaxe de que pode ser modificada grazas ó emprego da tecnoloxía XML User Interface Language, que entre outras cousas tamén abre as portas á creación de extensións que poden engadir novas características ou permitir acceder a novas tendas online. Dalgún xeito estariamos a falar da aplicación da filosofía Mozilla a un reproductor musical.

Se realmente é así, e todo o que promete remata por cumprirse, será un dos lanzamentos estelares de comezos do ano vindeiro (e coa vantaxe de ser multiplataforma, co cal os linuxeiros tamén estarían convidados), algo así coma foi o Firefox en 2004.

De calquera xeito, penso que hai que ter unha certa prudencia, xa que a realidade é que hoxe en día iTunes non é un programa "queimado" coma era Internet Explorer en 2004, máis ben todo o contrario, está comezando a entrar con forza no mercado Windows e ten un dominio case absoluto do mercado Mac.
Tampouco podemos esquencer que Firefox quixo diferenciarse dende o primeiro momento de Internet Explorer, e iso foi a súa vía inicial cara ó éxito. Coido que Songbird dende este punto de vista entrou con mal pe, dando unha primeira impresión de plaxio case cómico do iTunes. Certo é que prometen novidades moi atractivas, e polo tanto haberá que darlles unha marxe de confianza.

Queda pouco para o lanzamento da primeira beta, así que non tardaremos en ver se cumpre ou non as expectativas. Por certo, se alguén está interesado e dispón de tempo suficiente (a verdade e que non teño nin idea de cánto tempo pode supor), falta un equipo de traducción ó galego deste programa.

Bo Nadal

2005-12-24T16:04:00.000+01:00

Un inocente xogo...

2005-12-23T11:16:00.000+01:00

... nada máis.

¿Ou qué pensabades?

Sabía que este día ía chegar...

2005-12-23T11:05:00.000+01:00

Resistíase a quedar baixo terra, o Pac-Man está máis vivo que nunca e invade a Universidade de Michigan!

Boísimo, visto en Microsiervos.

Xa está aquí o dominio ".cat"... ¿para cándo o ".gal"?

2005-12-21T17:55:00.000+01:00

Máis alá de opinións políticas, coido que a iniciativa de outorgar un dominio propio na rede de redes ós sitios web de lingua e cultura catalás é moi positiva. Dende xa é posible acceder ás primeiras páxinas rexistradas baixo este novo dominio, coma a da fundació.cat. De seguro que non tardarán en xurdir moitas máis, aínda que o proceso só acaba de comezar.

Hai poucos meses, cando se confirmou a concesión deste dominio, o goberno galego deixou ver que tamén estaban interesados en obter para a nosa lingua e cultura un espazo propio na rede. Ogallá que realmente se estean movendo os fíos, porque aínda que non teñamos estado propio, ou mesmo sexamos ou non sexamos nación (cadaquén terá a súa opinión), o que é inopinable é que temos unha cultura e unha língua que debemos protexer e manter, e un dominio propio na rede é un xeito coma outro calquera de diferenciarnos que a ninguén lle ten que molestar, e supoño que a ninguén lle molesta. O único obxectivo dun dominio como o .cat ou o hipotético .gal (.gz non é posible, xa que os dominios de dous caracteres son exclusivos para os estados) sería o de resaltar a nivel global a existencia dunha realidade cultural e lingüística que está ahí, e que decididamente ten que estar presente cada día en máis eidos.

O que non teño claro é que Galiza teña o interese que Cataluña tivo para obter ese dominio, de feito non coñezo ningún tipo de asociación coma a que dende Cataluña empurrou para obter ese éxito que hoxe comeza a facerse realidade.

Quede claro que non quero entrar en ningún tipo de polémica con este post, este blog non é un blog de opinión política. Simplemente expoño o meu parecer e plantexo unha dúbida... ¿sabedes se se está a facer algo ou se existe algún tipo de iniciativa a prol da obtención dun dominio para a lingua e cultura galegas?

O agardado iPhone sairá o ano que ven...

2005-12-20T10:07:00.000+01:00

... segundo afirma a consultora Morgan & Stanley nun informe sobre Apple no cal afirma tamén que a compañía da mazá vai realizar durante 2006 lanzamentos relacionados ca "digital living room", e dicir, dito doutro xeito, seguirá afondando no vieiro que ven de abrir co lanzamento do novo iMac G5 e con FrontRow, aplicación que facilita o manexo do contido multimedia que temos no noso disco duro.

No referente o iPhone, sería a súa segunda incursión no sector da telefonía movil, aínda que esta vez o faría en solitario, xa que actualmente a súa presenza viu da man de Motorola, incorporando o software iTunes no seu modelo ROKR.

Un adianto do Office Online: Writely

2005-12-19T11:07:00.000+01:00

Como saberedes, hai semanas Microsoft deu a coñecer a súa intención de lanzar unha versión de Office que estivera dispoñible dende a web, e que de feito podería ser usada de balde a cambio de soportar publicidade. As aplicacións web están cada día máis á orde do día, aínda que a aposta de Microsoft parecía difícil de crer, xa que se afastaba do que ven sendo a súa concepción tradicional do negocio de software.

Os de Redmond, sen embargo, non serán pioneiros neste novo camiño que comeza a debullarse (¿Qué sorpresa, verdade?). Sen ir máis lonxe, hoxe en día existen suites ofimáticas completas que se poden usar doadamente dende o noso navigador, coma ThinkFree Office Online. Sen embargo, ó meu xuízo, e malia ser posiblemente a alternativa máis madura ten un claro inconvinte, precisa de Java para o seu funcionamenteo, o cal ralentiza moitísimo o seu uso. A min cando menos decepcionoume e non me parece que sexa demasiado práctico.

O meu concepto sobre a viabilidade da ofimática online mudou grazas a Writely. Non é unha suite ofimática, é tan só un procesador de textos, pero permítenos alviscar un pouco que é o que nos agarda nun futuro non moi lonxano.

Ó contrario que ThinkFree, non teremos que descargar previamente ningún programa ó noso ordenador, todo se pode facer directamente dende o navigador e a unha velocidade semellante á que teñen as aplicacións de escritorio. Temos tódalas ferramentas para editar o texto, darlle formato e mesmo obter unha vista preliminar. En definitiva, ás características básicas e que máis se empregan nos procesadores de textos coma Word ou OpenOffice.org.

Amáis disto, podemos subir documentos nos formatos destes últimos procesadores para editalos dende Writely, e se temos que deixar a máquina na que nos atopamos para seguir dende outra, podemos esquencernos de levar o documento en ningún tipo de soporte físico. Alá onde haxa unha conexión á Internet, teremos á nosa disposición a conta de Writely para seguir traballando. De calquera xeito tamén poderemos gardá-los arquivos no noso disco duro, e inclusive facelo en formato PDF.

Outras opcións moi a ter en conta son a posibilidade de publicar no noso blog dende Writely, de enviar correos electrónicos ou realizar a revisión ortográfica... aínda que por agora só conta con esta opción para a língua inglesa. Tamén é salientable a realización de copias de seguridade cada dez segundos, moi práctico para rematar co pesadelo de perder tódolos nosos datos de súpeto e sen poder facer nada... con Writely, esa preocupación desaparece.

Agora ben, non todo van ser vantaxes, e sobre Writely e as demáis alternativas neste segmento emerxente pesan moito as supostas ameazas á privacidade que supon deixar os nosos datos a cargo dunha empresa privada. Ocorre o mesmo con Gmail, e en xeral con boa parte dos expoñentes desa denominada Web 2.0, que ninguén é capaz de definir pero que todos sabemos cándo nos atopamos ante ela.

¿Merece a pena este risco? ¿É absolutamente seguro deixar os datos na rede? Os responsábeis de Writely garanten que ninguén poderá acceder os datos a non ser que ti o convides a facelo, e aseguran tamén que ningún buscador poderá incluílos na súa base de datos. Ó mesmo tempo, os documentos, como xa dixemos antes pódense gardar en local para evitar desconfianzas.

Haberá que ver se este tipo de medidas son suficientes, seguramente non para que Writely triunfe, pero é moi probable que con Microsoft no terreo de xogo a ofimática online acabe tendo éxito. Coma sempre, chegarán tarde. E coma sempre, teñen tódalas cartas para arrasar á competencia.

Bill e Melinda Gates, xunto con Bono, persoeiros do ano 2005 para a revista TIME

2005-12-18T20:07:00.000+01:00

Coma tódolos anos, a revista Time outorga a súa derradeira portada do ano, ó persoeiro que, ó seu xuízo, tivo un maior protagonismo durante os 365 días anteriores. Neste caso, ós elixidos son o matrimonio Gates e Bono, líder de U2. A publicación estadounidense quixo ter en conta a actividade filantrópica realizada por éstes a prol da erradicación da pobreza no mundo.

Máis alá da actividade empresarial e do pouco ético de moitas decisións que marcaron a historia e a actividade de Microsoft, creo que as donacións e os traballos realizados pola fundación dirixida polo matrimonio Gates son indiscutíbeis, e se pode aceptar que dende ese punto de vista este recoñecemento non deixa de ser merecido. De tódolos xeitos, todo é discutible e de seguro que xurdirán numerosas voces discordantes.

Eu creo que antes de nada sería interesante lembrar o significado deste "galardón oficioso". O persoeiro do ano, ó contrario do que moitos cren, non é un título honorífico, nin pretende premiar os "heroes" das sociedades contemporáneas. Sinxelamente pretende destacar ó persoeiro que, segundo os reponsábeis de Time, tivo unha maior influencia, sexa ésta para ben ou para mal. Só así se explica a presenza de "persoeiros do ano" coma Adolfo Hitler ou Joseph Stalin, por exemplo.

Microsoft rematará definitivamente ca versión Mac de Internet Explorer

2005-12-17T16:46:00.000+01:00

Segundo podemos ler en faq-mac , Microsoft cesará definitivamente o soporte para a versión Mac do seu navigador. A nova non causa unha gran sorpresa, xa que os planos de Microsoft xa foron anunciados hai meses, pero é agora cando se concretan definitivamente. Polo de agora, en calquera caso, aínda segue a disposición no seu sitio web.

Se esta nova se dera hai un par de anos, seria un dos golpes máis duros para Apple. Explorer era a única alternativa sólida para moverse pola web, a pesares das súas limitacións. Firefox era só un proxecto ambicioso, pero nada máis, e Safari estaba apenas abrindo os ollos.

Hoxe, sen embargo, a situación é moi distinta, Firefox e Safari son dous navigadores sumamente avanzados, con soporte de estándares case perfecto, e co compromiso de seguir avanzando neste camiño, que contan con tódalas opcións de navigación que hoxe son case imprescindíbeis, coma pestanas, buscador integrado, bloqueador de pop-ups, lectores de rss e outros formatos de sindicación de contidos, posibilidades de ampliacións mediante plugins e extensións, etc. Tamén Opera está neste momento a un moi bo nivel, aínda que a miña experiencia persoal dime que o seu rendemento en Mac está por baixo do destes dous...

O que está claro é que neste contexto o avellentamento de Internet Explorer era cada día máis difícil de disimular, e Microsoft so tiña dúas opcións: desenrolar unha nova versión para esta plataforma ou aceptar a realidade e recuar disimuladamente. Optou pola segunda, seguramente consciente de que o seu navigador está tendo suficientes problemas na súa propia plataforma coma para lanzarse á aventura nun medio moito máis hostil como é o entorno de Apple.

Se xa están a ver como cada día máis usuarios de Windows comezan a apostar por Firefox ou Opera, ¿que non vai pasar no mundo Mac, cando boa parte dos seus usuarios teñen abundantes prexuízos (moi xustificados, seguramente) cara a calquera producto co selo do xigante de Redmond?

Definitivamente chegou a hora de dicirlle adeus a un dos programas clásicos das etapas máis escuras da empresa da mazá. Os novos navigadores representan algo máis que un simple cambio xeracional, poden estar representado o comezo da fin da "subordinación" de Apple a Microsoft. Aínda que hai un obstáculo por diante moi superior a este, e chámase Microsoft Office.

¿Será a anunciada apertura de formatos por parte de Microsoft unha vía de escape válida para superar este obstáculo?

Computer Chronicles: nostalxia informática

2005-12-16T15:42:00.000+01:00

Supoño que moitos coñeceredes Archive.org, pero para aqueles que non pódovos dicir que é unha especie de bazar chinés onde podedes atopar todo tipo de curiosidades, dende unha selección de clásicos do cinema ata unha auténtica máquina do tempo da world wide web, ca cal podedes visitar a meirande parte dos sitios da Internet e ver como eran hai anos.

Entre esas curiosidades, atópanse tódolas entregas de Computer Chronicles, programa de televisión emitido entre 1983 e 2002 e centrado na informática persoal, que vivíu toda unha revolución durante estes anos. É realmente interesante observar case dende a súa xénese o ascenso e caída de Apple, a transformación de Microsoft de pequena/mediana compañía a xigante monopolista, a perda de peso de IBM, a chegada das interfaces gráficas, a existencia de plataformas que foron caendo en desgracia, como amiga ou spectrum, etc.

Nesta páxina, concretamente, tedes un buscador para que non vos perdades entre esos centos de programas. Nalgúns casos, hai ata traduccións a outros idiomas, o cal é de agradecer.

E moi interesante concretamente este episodio, no cal fan unha completa revisión do primeiro Mac, e tentan respostar a preguntas tan interesantes como ¿será posible unha interface gráfica para PC? En realidade, descarguei programas tan distintos coma a presentación de windows 95, a volta de Jobs a Apple e a presentación do primeiro iMac ou o lanzamento de Mac OS X.

Dende logo, para os veteranos, e tamén para os que por idade non puidemos vivir esa apaixoante etapa conscientemente, é unha saborosa dose de doce nostalxia. É recomendable que volos baixedes, deste xeito teredes unha fantástica colección, case unha enciclopedia visual da historia da informática persoal.

Saúdos!

¿E se a Apple lle dese polas torradoras?

2005-12-15T19:44:00.000+01:00

Se cadra veriamos algo coma esto:

Segundo o Gadgetoblog de elmundo.es, estamos ante tecnoloxía punta no sector das torradoras, e se non me credes comprobádeo vos mesmos:

"La ha diseñado Jasper Morrison y es inteligente –bueno, dejémoslo en que es más inteligente que otras tostadoras del mercado-. Es capaz de tostar a la perfección dos rebanadas gracias a un fotosensor que vigila el color de la superficie del pan pero esconde mucho más secretos. Por ejemplo, todos los controles son superficies táctiles sobre las que sólo es necesario deslizar el dedo y tiene luces LED de varios colores para indicar su estado de funcionamiento.Es también la primera tostadora que conozco que no obliga a las tostadas a dar un salto mortal cuando están hechas. En vez de el tradicional mecanismo de resorte viene con un sistema de ascensión controlada que eleva las tostadas suavemente, justo como mí me gusta. El colmo de la exquisitez: la parte superior es de acero y mantiene la temperatura del pan hasta que se retira de la ranura." (elmundo.es)

Pois xa sabedes, por 113 € (ouch!) xa tedes agasallo para este Nadal.

Iso si, aínda non aclararon se sairá con intel ou con ppc ;-P .

OpenOffice: ¿Qué é o que está pagando a Xunta?

2005-12-15T16:31:00.000+01:00

Non hai moito tempo, en páxinas como Barrapunto puidemos ler que o Goberno galego licitara, tras un concurso público, a traducción de OpenOffice á nosa língua. O investimento suporalle ó executivo (ou mellor dito, a todos nós) 140000 €.

Sen dúbida, a primeira reacción cando lemos isto é necesariamente positiva. Que o goberno aposte pola incorporación do galego ás novas tecnoloxías é positivo, e non o é menos que o faga especialmente no que respecta ó software libre. E máis tendo en conta que isto permitirá reducir a dependencia que seguramente existe de Microsoft tralo pacto para a traducción de Windows e Office.

Cando lin a nova tamén tiven esta mesma reacción, sen embargo de seguido lembrei a existencia dun proxecto para a traducción de OpenOffice ó galego inciado pola comunidade do software libre. Nese momento non tiña instalado OpenOffice e non comprobei se ese proxecto seguía en marcha, polo que supuxen que puido ter sido cancelado.

Sen embargo, hai uns días necesitei dun bo editor de ecuacións e tras comprobar as carencias do incluído con Office decidín baixar o OpenOffice para ver se era mellor (é bastante mellor, por certo, polo menos neste apartado gaña OOo). Como non teño X11 instaladas, descarguei NeoOffice, que non é máis que o port a Aqua de OpenOffice.

Sempre que descargo software libre, comprobo se existe unha traducción ó noso idioma, e aínda que non tiña moitas esperanzas descubrín que efectivamente, existía unha traducción de NeoOffice ó galego. Era a mesma que a de OpenOffice, en realidade, só modificada para ser usada nesta versión nativa do programa.

Pois ben, só podo dicir que é unha das traduccións máis completas que tiven oportunidade de ver, agás a axuda (que tampouco Microsoft traduciu no seu sistema), a suite informática está totalmente traducida. Dende o máis agachado dos menús, ata as fórmulas da folla de cálculo.

E quero lembrar que estamos a falar de toda unha suite ofimática, con todo o traballo que a traducción dun programa destas características supón. Aquí tedes unha imaxe que amosa con claridade a calidade da traducción:

Pois polo que parece a Xunta vai investir 140000 € para obter algo que xa temos, e seguramente dende hai bastante tempo, de balde e grazas ó esforzo de usuarios anónimos.

¿Alguén sabe se realmente isto non é o único que se vai facer, e os cartos van tamén destinados a outros proxectos? Porque de non ser así, penso que se trata dun exemplo máis de despilfarro por parte dun goberno que decide reinventar a roda.

Por certo, este proxecto foi planificado polo derradeiro goberno Fraga e executado polo novo goberno. Ninguén está libre de pecado, polo que parece.

Saúdos!

Virtue, xa temos o que nos faltaba...

2005-12-14T17:39:00.000+01:00

... de KDE ou Gnome. E é que unha das grandes vantaxes destas interfaces UNIX eran os escritorios virtuais, ou o que é o mesmo, a posibilidade de dividir o noso escritorio en catro (ou máis).

Clickando nos botóns da barra de ferramentas pasabamos dun escritorio a outro, de xeito que nun podiamos ter abertas, poñamos por caso, as ventás do navegador, noutra un procesador de textos, ou noutra estar reproducindo un video. E todo iso sen interferir as ventás dunhas aplicacións cas de outras nin incomodarnos o máis mínimo.

Seguramente cando moitos linuxeiros pasaron a OS X botaron en falla esta propiedade no seu novo e flamante escritorio Aqua. Pois ben, Virtue é o programa que nos permite rematar definitivamente con esta carencia.

Virtue é un programa libre que unha vez iniciado colócase na nosa barra superior e facendo click nesa icona podemos pasar doadamente dun escritorio a outro. Pero non só é cómodo, tamén é ideal para deixar abraiado ó persoal, xa que para efectuar as transicións entre escritorios fai uso de todo o potencial gráfico do noso sistema.

Os que sabedes como é o troco rápido de usuario entenderedes perfectamente do que estou a falar, con ese cubo en 3D que xira para amosar o escritorio do novo usuario. Virtue ten, amáis desta, outras varias animacións sorprendentemente áxiles e fluídas.

A verdade é que entre Virtue, Exposé, Dashboard e outras aplicacións coma Quicksilver traballar cun mac estase a parecer cada día máis a facelo ca computadora de Tom Cruise en Minority Report, con ventanas que se moven continuamente dun lado a outro ;-P.

Sen embargo, a parte positiva é que isto non é tan só efectismo barato, sabendo sacarlles partido a todas estas ferramentas son verdadeiramente productivas e permítennos traballar máis comodamente. Supoño que todos concordaremos en que Exposé, por exemplo, aporta moito máis que unhas animacións impresionantes, ¿verdade?

En definitiva, un programa moi interesante que non podo deixar de recomendarvos. Podédelo descargar dende aquí.

Google Earth xa dispoñible!

2005-12-13T23:15:00.000+01:00

Eu creo que para comezar é unha das mellores novas dos últimos tempos; Google Earth, o programa gratuito que nos permite "sobrevoar" o planeta e achegarnos ós recunchos máis afastados dende o noso ordenador acaba de estrear versión para OS X. Tratase todavía dunha versión beta, pero é totalmente funcional, malia que Google non tiña previsto "soltala" na rede ate o de agora (semella que alguén lla xogou ó xigante de Internet).

En canto ó rendemento, polo que parece é bastante bo, aínda que inferior o que amosa nos PC´s máis potentes (quizais a versión final sairá máis optimizada). As miñas probas nun iMac G5 foron moi positivas, o programa móvese ben e rápido, e só se ralentiza algo (moi pouco) cando achegamos moito a vista e cambiamo-la perspectiva.

¿Requisitos mínimos? Non hai requsitos mínimos "oficiais", xa que non hai versión oficial polo de agora, pero podedes facervos unha idea se vos digo que usuarios de máquinas G3 foron quenes de executalo, aínda que como suporedes cun rendemento bastante pobre. Outra cuestión é o sistema operativo: o programa só funciona en Tiger.

Máis alá de requirimentos ou rendemento, Google Earth e unha caixa de sorpresas, sobre todo para os que coma min apenas puideramos probalo durante un intre no PC. Agora, con tempo para investigalo, descubrín algunha que outra curiosidade, xa que o noso planeta está cheo delas.

Por certo... ¿cal e o criterio que segue para decidir a importancia dos resultados dunha busca? En caso de dúas localidades do mesmo nome, ¿a cal nos leva Google Earth?

O primeiro critero... á que estea en Estados Unidos (porque non me sorprende? XD).

O segundo... que alguén mo explique! ¿A ónde che leva o programa se queres ir a Vigo? Pois... ahí o tedes:

Con todo o respeto para o Concello asturiano, creo que é difícil de comprender que sexa o primeiro criterio cando buscas "Vigo, Spain". Cando menos é curioso.

Bueno, que saibades que o programa volo poderedes descargar de: http://rapidshare.de/files/8860896/Google_Earth.zip.html

E por último ahí tedes unhas capturas do programa, para que vexades que a súa sensacional potencia: a primeira é unha perspectiva do país (as zonas escuras son aquelas que teñen as imaxes máis próximas, e como vedes aínda faltan Ourense, Lugo, Santiago, Ferrol...), e logo tedes unha captura do Orzán na Coruña e outra de Balaídos preparado para o derbi do Sábado ;-P.

Saúdos a todos e seguímonos lendo!

Ola, mundo!

2005-12-13T20:23:00.000+01:00

Saúdos a todos os que leades este primeiro post. Tras moito tempo ollando como un parvo os blogs de medio mundo, creo que chegou o momento de atreverme a ter o meu propio blog. Non é que pretenda gran cousa, pero vou tentar que sexa un blog activo e ogallá se convirta nunha visita frecuente para moitos dos que estades a ler estas liñas.

Como usuario de mac sigo con interese a información sobre esta plataforma minoritaria, e decateime da escaseza de información dispoñible en galego (Non hai moita información en castelán tampouco, aínda que existen unha serie de páxinas de interese, cando teña tempo engadirei unha serie de links) e gustaríame aportar o meu humilde grao de area para cubrir ese oco.
Por suposto o máis salientable da actualidade informática tamén terá cabida aquí, e se cadra outras cuestións de carácter moi distinto. Xa se sabe, unha cousa é como empezas e outra moi distinta como rematas!

Non pretendo convertir este blog nun xornal sobre o mundo mac, nin moito menos, pero agardo telo o máis actualizado que poida e gustaríame que tivera movemento, que a xente se animase a comentar, etc. Aquí tentarei facerme eco de tódalas novas, rumores (imprescindibles falando de Apple) e curiosidades que vaian xurdindo.

É o meu primeiro blog, así que polo de agora non sexades moi esixentes :D , e facede tódalas suxerencias que queirades, prometo telas moi en conta.

Se cadra este Nadal aproveito para mellorar o aspecto do blog e persoalizalo na medida do posible, que supoño que así ten un aspecto demasiado básico.

Por agora nada máis, saúdos e a ver se vos gusta!